Myndamen

 

 

Ég hef alltaf haft mikinn áhuga á ljósmyndum, skartgripagerð, hönnun..og já bara öllu á milli himins og jarðar : ). Fyrir ekki svo löngu síðan ákvað ég að sameina þessi áhugamál og voila! ljósmyndaskartgripirnir mínir urðu til.

Ég á 2 yndisleg börn sem hafa í gegnum tíðina verið mikið mynduð, og síðan ég smíðaði fyrsta menið ( þar sem ég skartaði þeim að sjálfsögðu ) hef ég fengið það mikil jákvæð og skemmtileg viðbrögð, að ég ákvað að kanna hvort að fleiri vildu eignast svona grip.

Hugmyndin er sú að þeir sem hafa áhuga sendi mér myndir á; [e-mail] sem ég síðan vinn að óskum þeirra.

Þetta getur verið mynd af einhverjum/einhverju sem er viðkomandi kær og er alls ekki bundið við ljósmyndir ( en verður þó að vera á tölvutæki formi ) þetta getur því þessvegna verið grafísk mynd, lítið listaverk...já, bara hvað sem er : )

Ljósmyndina vinn ég svo og geri svarthvíta, brúntóna eða í lit, allt eftir smekk viðkomandi.

Myndamenið með venjulegri silfurkeðju kostar 3.500

Myndirnar hér fyrir neðan eru hugsaðar sem hugmyndabanki. Eins og er ætla ég mér eingöngu að smíða menin ( ég er í námi og verð að sjá hvernig tíminn nýtist mér : )
En það er á döfunni að bjóða upp á ýmislegt eins og t.d perluarmband ( eins og á myndinni ), perlufestar og ýmislegt fleira.

Til glöggvunar þá eru myndamenin unnin úr silfurtini og gleri.

Hérna eru svo smá leiðbeiningar;

Til að myndin njóti sín, þá er um að gera að velja skýra og góða mynd af viðfangsefninu. Portrettmyndir henta hvað best.

Myndin þarf helst að vera tekin í "portrett" en ekki "landscape", semsagt frekar á lóðréttu, en láréttu formi.

Ef þú ert ekki viss hvort myndin hentar, þá er um að gera að hafa samband og við finnum út úr því í sameiningu : )

Annað:

Afhendingartími er 5 dagar...svona að öllu jöfnu

Takk fyrir innlitið!

Erla

 

 

 

 

 

 

 

 

 

 

 

Athugasemdir

[Erna Lilliendahl, 4.9.2008 kl. 17:35]

Guðdómlega fallegt :) Bíð spennt eftir mínu!!!!

[Inga Rós (IP-tala skráð) 5.9.2008 kl. 12:04]

Sæl Erla.

Mikið er þetta fallegt, ég get hugsað mér að panta hjá þér svona hálsmen við tækifæri.

Með bestu kveðju,

Inga Rós

[Laufey (IP-tala skráð) 5.9.2008 kl. 12:35]

Hæ Erla

Takk fyrir commentið á mína síðu Endilega ef þú átt leið um London láttu heyra í þér, ég er með nóg pláss hérna

En mikið er þetta falleg hálsmen hjá þér, þú færð alltaf svo sniðugar hugmyndir, mig alveg dauðlangar í svona. Kannski ég plati þig einn daginn í að gera svona, ég sé að þetta væri alveg snilld í jólagjafir handa ömmum og svona

Kveðja Laufey í London

[Heiða Þórðar, 5.9.2008 kl. 21:08]

Þvílík snilldarhugmynd! Þú ert búin að redda jólunum á mínu heimili. Afmæli í nóv og hvaðeina.

Gangi þér vel með þetta elsku Erla mín 

[Auður (IP-tala skráð) 16.9.2008 kl. 20:49]

Þetta er alveg snilldarhugmynd!! Rosalega falleg og sniðug gjöf  :D 

Þú er algjör snillingur :)

knús

Ausa